Rojhelat Tv Live

زانیاری وه‌رگرتنی ته‌له‌فزیۆنی ڕۆژهه‌ڵات له‌ سه‌ر مانگی ده‌ستکردی هۆتبێرد :Hot Bird 6 at 13.0°E ,10815 H, Rojhelat TV , SR 27500-5/6

هه‌واڵه‌کان
بۆچون: 0    بینراوه‌: 2552 جار    ده‌نگ: 0   (Article Rating)            بینێره‌ بۆ چرکه  بینێره‌ بۆ دنباله بینێره‌ بۆ بالاترین بینێره‌ بۆ تویتر بینێره‌ بۆ فه‌یسبوک Bookmark and Share
Sunday, February 15, 2015
فایلی ناوکیی ئێران ،دانوستانێکی تووش

فایلی ناوکیی ئێران ،دانوستانێکی تووش
نووسینی: جەلیل ئازادیخواز
دەنگوباس وهەواڵی هەموو لایەن و میدیاکانی جیهان لەمەڕ دانوستانی ناوکی ئێران لەم رۆژانەداو ، لە سەروبەندی کۆبونەوەی دابینکردنی ئاسایشی مونیخ دا بەر بلاوتر بۆتەوە . لە پەراویزی ئەم کۆبونەوە جیهانیەدا باراک ئۆباما سەرکۆماری وڵاتە یەکگرتوەکانی ئەمریکا لە هەڤپەیڤینێکدا لەگەڵ ماڵپەری (ووکس) سەرەڕای ئەوەئ بەڕاشکاوی دەلێت کە گومانکردن و بەگومان بوون لە ئێران راستیەکە لە جیگای خۆیدا. ئەم رژێمە لەماوەی تەمەنی خۆیدا زۆر قەیرانی جدی سازداوەو راستەوخۆ دنەدەرو یارمەتی دەری تیروریزم بووە .
سەرکردەو سیما ناسراوەکانی زۆر جاران راستەوخۆ بەجۆریکی پڕمەترسی لە ئیسراییل دوواون و دەدوێن . تەنانەت هەڕەشەی پاکتاویانکردوە . ئۆباما سەرەڕای هەموو ئەمانە راستەوخۆ و راشکاو دەڵێت هیچ ڕێکەوتن نامەیەک واژۆ ناکەم کە زامنی داماڵینی ئیران لە چەکی ناوکی وبەرگریکەری دروستکردنی ئەم چەکە نەبێت لە ئێراندا .
دوان بەم زمانه ڕاشکاو شەفافەی سەرکۆماری ئەمریکا زۆر راستی گرنگ وشیاوی رامان دەخاتە روو . کە بریتین لە :
یەک لەو ڕاستیانە کە لەم برگەیەی قسەکانی ئۆبامادا بەرچاو و بەرجەستەیە هەستکردن بە هەستیارو دڵەراوکەی ئیسرائیل و کۆیەلە کارناسانی ناوکی وسیاسی ئەمریکاو جیهانە لەمەر واژۆکردنی رێکەوتن نامەیەکی نا تۆکمەو جیگای گومان و خاوەن کەلینەوەیە، کە ڕەنگە لەبەرئەنجامی دانوستانەکانی ٥+١ بەدەست بێت .
دوو : ڕەچاوکردنی زەمانەتی ئاشتی ئیسرائیل و ناوچەکەو جیهان ومەودا نەدان بەرژێمی ئێران بو بەدەستهێنانی دەرفەتی شیاوی دروستکردنی چەکی ناوکی وهەلدانی چەتری مەترسی وکارەسات بۆ ئەم ئاشتیە .
سێ :زۆر بەروونی دوای لێدوانەکانی خامنەی لە سەر دانوستانی ناوکی و رێکەوتن نامەی یەک قۆناغی سەرکۆماری ئەمریکا زۆر بەروونی ئاستانەی خۆراگری وسەبرو دواسنورەکانی دانوستان و گفتوگۆی خویان دەردەبڕیت و دەڵێت ئەمە دواسنورە بۆئیمە لەم دانوستانانەدا .
چوار : هەرلەم دیمانەیەی باراک ئۆبامادا روون دەبێتەوە کە ئەوان لە بەستەی پێشنیاری خۆیان نایەنە خوارەوە سەرەرای هەموو ئەم دەنگۆو هاوارانەی بڵندگۆکانی رژێـم دەیکەن هەیچ بریارێکیان بۆ درێژکردنەوەی دانوستانەکان و واژۆکردنی ڕێکەوتن نامەی یەک قۆناخی نیە.
پێنچ : هەڵسپاردن و لابردنی کۆی گەمارۆکانی سەر ئێران هیچ کات بە شێوەی یەکە جاری وهاوکات لەگەل بەرئەنجامی دانوسانەکان و واژۆی رێکەوتننامەدا لە رۆژڤی ئەواندا نیەو پلە بەپلە دەخوازن کە ئەم گەمارۆیانە هەلگرن و ئەم رەوتەش وەک کارناسانی ئەم بوارە ئاماژەی بۆ دەکەن دەساڵ دەخایەنێت . سەرەڕای هەموو ئەمانە ئۆباما لەقسەکانی خۆیدا زۆر بەراشکاوی دەڵیت هاوکات لەگەل ئامادەبوونی دواگڵالەی دەرئەنجامی دانوستانەکان هەموو کارناسان و دوستانیان بۆیان هەیە کە ئەم رێکەوتننامەیە هەلسەنگێنن و لە کاتی لاوازی و ناتۆکمە بووندا شیاوی هەڵوەشان و کشانەوەیە .
لەم دۆخەدا کە خامنەی وەک باڵاترین ئاستی دەسەلات و بڕیار لە ئێراندا خوازیاری یەک قۆناخی دانوستانەکانەو هاوکات داخوازی هەڵوەشانەوەی یەک جارەو یەکسەرەی کۆی گەمارۆکانی سەر ئێرانە پێناچیت کە بتوانرێت تا ٤ خاکەلێوە دانوستانەکان بە ئەنجام بگەن و ئەم فایلە ببەسترێت .
لەبارودۆخی ئێستای ناوچەو جیهان کە روسیە وەک گەورەترین هاوپەیمانی ئێران و ئەندامێکی کارای دانوستانەکانی ١+٥ و هەنگاو بەهەنگاو کردنی ئەم دانوستانانە خۆی لە گرفت وکیشەی زۆر راستی و پرتەنگەژەدایە لە گەڵ رۆژئاوا بە تایبەتی ئەمریکا . دۆخی ئۆکراین و چۆنیەتی مامەلە و رووبەروو بوونەوەی ئەمریکاو ئوروپا لەگەل ئەم دۆخەو حکومەتەکەی بۆتین رەنگە دنەدەرێکی بەهیزی کرۆکی دانوستانە ناوکیەکان بیت .
روسەکان بۆ گوشار هێنان بۆ رۆژئاوا گرتنی ئیمتیازو دەسکەوتی خۆیان پێدەچیت زۆرتر مەیلیان لە داکۆکی لە داخوازیەکانی ئیرانبێت لە روالەتداو ئەم فاکتەرەو نائارامی ناوچەکەو کێشە ی رۆژئاواو ئەمریکا لە گەڵ داعش و نیاز بە ئێران و رۆلێ لەم ناوچەیەدا ئەو هۆکار و فاکتۆرانەبن کە سەرانی رژێمی ئێران وا لێبکەن کە بکەونە هەوای زیادەخوازی وبەدەستهێنانی رێکەوتنامەیەکی لە روانگەی خۆیانەوە شیاو گونجاو بەهانەی لابردنی یکجارەکی گەمارۆکانی سەر ئێران.
لە راستیدا کۆی ئەم هۆکار و فاکتۆرانەی کە رژێمی ئێران دەتوانێ یا دەخوازێ بە پشتیوانی ئەمانە پێداگری بکات و هەوڵی بەدەستهێنانی دەسکەوت بدات لەم دانوستانەدا هەر هەموو بگۆر و کاتین و چاوەراونیمان بۆ مامەڵەی رۆژئاوا لەگەل ئەم دیاردانەی چارەنوسی دانوستانی ناوکی و رێکەوتن و تارادەیەکیش داهاتوی رژێم وناوچەکە روون دەکەنەوە

١٠/٢/٢٠١٥
 
وێنه‌ی په‌یوه‌ندیدار
  • فایلی ناوکیی ئێران ،دانوستانێکی تووش
هه‌ڵسه‌نگاندن

تا ئێستا بۆچونێک نه‌نوسراوه‌!
بۆچونێک بنوسه‌:

ناو (پیویسته‌)

ئیمه‌یڵ (پیویسته‌)

ماڵپه‌ڕ / وێبلاگ

سه‌ره‌تا | هه‌واڵه‌کان | به‌رنامه‌کان | دەربارەی ئێمە | پەیوەندی | فارسی

© هه‌موو مافێکی ئه‌م ماڵپه‌ڕه‌ پارێزراوه‌ (ڕۆژهه‌ڵات تی ڤی rojhelat.tv)

www.rojhelat.tvwww.rojhelat.tvwww.rojhelat.tv