Rojhelat Tv Live

زانیاری وه‌رگرتنی ته‌له‌فزیۆنی ڕۆژهه‌ڵات له‌ سه‌ر مانگی ده‌ستکردی هۆتبێرد :Hot Bird 6 at 13.0°E ,10815 H, Rojhelat TV , SR 27500-5/6

هه‌واڵه‌کان
بۆچون: 0    بینراوه‌: 3605 جار    ده‌نگ: 0   (Article Rating)            بینێره‌ بۆ چرکه  بینێره‌ بۆ دنباله بینێره‌ بۆ بالاترین بینێره‌ بۆ تویتر بینێره‌ بۆ فه‌یسبوک Bookmark and Share
Tuesday, February 03, 2015
رژێمێکی گەندەڵ و گەلێکی برسی

رژێمێکی گەندەڵ و گەلێکی برسی
نووسینی: جەلیل ئازادیخواز
سەرەتای دەرکەوتنی بنەما و باوەرەفکریەکانی دامەزرێنەرانی رژێمی ئیسلامی ، ئەودەمەی خومەینی گەرایەوە ئێران و ،باسی دامەزراندنی دەولەت و دەسەلاتێکی دادپەروەردەکرا کە لەسەر بنەمای عەدلی ئیسلامی و،نمونە میژوویەکانی دەسەڵاتداریەتی سەرەتای ئسیلام و خەلافەتی عەلی دەبێتە مەکۆی دادوەریی و ماڤپارێزی . بانگەشەی سەردەم دارانی رژێمی ئیسلامی ئیران هەرهەموو چ لەدەورانی خومەینی و چ پاش مردنی خومەینی بانگەشە بۆ ئابوری ئیسلامی و دامەزراندنی ئابورییەکی گەشەکردویی دادوەر بووە ،کە کۆی کۆمەڵگای ئێران لە م دادوەریە بەهەرەمەند دەبن و هەن . هەزار کتێب و نوسراوە و سەدان فیلم هەزاران بەرنامەی تەلە فزیونێ و بە ملیونان کارناس و کۆی خوێندنگاو زانستگاو ناوەندەکانی پەروەردەو بارهێنانی ئێران هەرهەموو کراونەتە بلندگۆی بانگەشەی ئەم هاوارە ئایدۆلۆژیکە کە، ئیسلام و دەسەلاتی مەلاکانی ئیران کە هەلقولاوی هەناوی ئیسلامی راستەقینەیە، تەنیا رێگای دادوەریی کۆمەلایەتی تەندروست و دەستپاکی و ویژدان داری ئابوری ین. سیستەمەکەیان گونجاوترین و تۆکمەترینە بۆ دابەشکردنی بە یەکسانی و دادوەری و شەفافیەت. بانگەشەی (قسط وعەدلی عەلی )وئیسلامی و پاریزگاری و پاراستنی داهاتوو سەروەتی گشتی (بەیت والمال )هێنانەوەی نمونە میژوویە یەتپۆییایەکانی لە خەلیفەو فەرمانرەوایان ئیسلام لە مەر پارێزگاری لە داهاتوو سەروەتی گشتی و ،ئەمانتداری و بە دادوەری دابەشکردن و گەیاندنی ماڤی هەرکەس بە خۆی ،لە بلندگۆ ریکلامیەکانی رژێم سنورەکانی ئافاقی تێپەراندوە . سەرەرای ئەم هاورانەو ئەم هەموو هەولانەو هێنانەوەی سەدان هەزار فاکت لە دەقە پێروز و ووتراوەکانی ئیسلام و خۆ بە نوینەری راستەقینەی ئیسلام زانین .نوێنەرایەتی خوداو دین کردن لە وڵاتی ئێراندا ،دەبینین رۆژ لەدوای رۆژ ئابوری ئێران داڒماو تر و ویرانتردەبێت . سەرەرای ئەم دارمان و وێرانیە کە لیرەدا نە باسی ئیمە یەو نەدەمانەوێت ئیستا هۆکارەکانی ئەم وێرانی و کاولبوونە باسکەین مەبەست دزی و دەرخستنی گەندەڵی و بەتاراج بردنی ئاشکراو بێ ئەخلاقانەو ویژدان هەژێنی سەروەت وسامانی گشتی وڵات ودزینی راستەوخۆی دەست رنج و نانی سفرەی خەلکی هەژارو زەحمەتکیشی ئێرانە . کۆی تەمەنی رژێمی ئیسلامی ئیران سەرەرای هەموو خەسارو داڕمانەکانی لە رووبەر ورەهەندەکانی تردا ئاویزانی دزی و گەندەلی و تالانی نانی خەلک و سەروەت وسامانی گشتی جەماوەری گەلانی ئێران بووە . بە راشکاوی دەتوانین بڵێن هیچ کام لە بەرپرس و دەسەڵاتدارانی ئێران نیە لە بجوکەوە بۆگەورەکە دامێن و دەستی بارگاوی دزی و خواردن و تالانی داهات و سەروەتی خەلکی ئێران نەبێت . هەر لە سەرکردەی رژێم خۆیەوە خامنەئی کە فیلمیە بەڵگەنامەییەکەی مەخمەلباف لە مەر سەروەت و سامان و دزیەکانیەوە هیچ گومانی لە دزی و تالانکردنی ماڵی خەلک و داهاتی ولاتدا نایەلیتەوە ،هەموو کەسانی دیکەی ناو هەناوی بازنەی ئەم دەسەلاتە هەرهەموو بە جۆری سەرقالی دزی و گەندەڵی و بە تاراج بردنی قوتی خەلک و بەری زەحمەتی جەماوەری کریكار و هەژار و زەحمەتکێشانی ئێرانن . دزیەکانی شارام جەزائیر و تیوەگلانەکانی هەموو کاربەدەستانی رژێم بە دزیەوە هەر لە سەرۆکی پارلەمانەوە تا بەیتی رەهبەری زانراوی هەموو کەسە و، تەپڵی بێ ئابرووی لە سەربانی دنیاوە گوێچکەی جیهانی هەژاند . دزیەکانی بابک زنجانی و فراندی ٣٠٠٠ هەزار ملیارد تومان و بردن و دزینی زیاتر لە یازدە ملیارد دۆلاری نەوت لە لایەن کاربەدەستانی رژیم و سوپاوە تا دزیەکانی ئەم دوایانەی محەمەد رەزا رەحیمی جێگری سەرکۆماری رژێـم هەر هەموو ئەو بەڵگە حاشاهەلنەگرانەن کە بەروونی باس لە دارزانی سەراسەری ئەم رژیمە و داوەشانی ئەخلاقی و ویژدانی هەموو کاربەدەستانی دەکەن . ئەوەتا لە تازەترین ژمارەی رۆژنامەی شەرقدا جێگری تازەی سەرکۆماری نوێ دەڵیت (گەورەترین گەندەڵیی قەرن لە سەردەمی دەوڵەتی پێشودا ڕوویداوە ) تا بزانین کەی جێگریتر هەر ئەم رستە بە خۆیان دەڵێتەوە . روونە ئەم دزی و گەندەڵیە کاتێ بە بەرتیل و رشوە لە دزیەکانی کۆی ئیدارەکانی رژیمەوە گرێ بدرێت کە بە ئاشکرا خەلکی ولات دەرووتێننەوەو رشوەیان لێدەسێنن ئەو سا هەست بە قولای کارەسات دەکرێت . ئیستا پرسیاری سەرەکی ئەمەیە ئایا ئەو دەق و بانگەشەو نمونە میژویانە دروۆن کە رژێم لە ئایدۆلۆژیای ئیسلام دیان خاتە بەردەست یا کۆی رژێم وکاربەدەستانی موسلمان نین و خاوەنی دینی دزین .
2015.02.04
 
وێنه‌ی په‌یوه‌ندیدار
  • رژێمێکی گەندەڵ و گەلێکی برسی
هه‌ڵسه‌نگاندن

تا ئێستا بۆچونێک نه‌نوسراوه‌!
بۆچونێک بنوسه‌:

ناو (پیویسته‌)

ئیمه‌یڵ (پیویسته‌)

ماڵپه‌ڕ / وێبلاگ

سه‌ره‌تا | هه‌واڵه‌کان | به‌رنامه‌کان | دەربارەی ئێمە | پەیوەندی | فارسی

© هه‌موو مافێکی ئه‌م ماڵپه‌ڕه‌ پارێزراوه‌ (ڕۆژهه‌ڵات تی ڤی rojhelat.tv)

www.rojhelat.tvwww.rojhelat.tvwww.rojhelat.tv