Rojhelat Tv Live

زانیاری وه‌رگرتنی ته‌له‌فزیۆنی ڕۆژهه‌ڵات له‌ سه‌ر مانگی ده‌ستکردی هۆتبێرد :Hot Bird 6 at 13.0°E ,10815 H, Rojhelat TV , SR 27500-5/6

هه‌واڵه‌کان
بۆچون: 0    بینراوه‌: 3888 جار    ده‌نگ: 0   (Article Rating)            بینێره‌ بۆ چرکه  بینێره‌ بۆ دنباله بینێره‌ بۆ بالاترین بینێره‌ بۆ تویتر بینێره‌ بۆ فه‌یسبوک Bookmark and Share
Friday, January 30, 2015
ڕۆڵى ئێران لە ڕووداوەکانى یەمەن و لوبناندا

ڕۆڵى ئێران لە ڕووداوەکانى یەمەن و لوبناندا
نووسینی: ئیدریس کولاهدووزی
لە چەند رۆژى رابردوو دوو رووداوى نوێ ناوچەکەى بە خۆیەوە سەرقاڵ کرد، یەکەم داگیرکردنى شارى سەنعاى پایتەختى دەوڵەتى یەمەن لە لایەن هێزە حوسیەکان ، کە هێزێکى چەکدارى شیعە مەزهەب و سەر بە ئێرانن، دووهەم خۆنیشاندانەوەى گروپى تیرۆریستى حیزبوڵڵاى لوبنان کە بە ناردنى چەند موشەکێک بەرەو ئاراستەى ئیسرائیل و کوشتنی چەند سەربازێکی ئیسرائیلی خۆى نیشاندایەوە.
حوسیەکان و حیزوبوڵا دوو رەوتى رایکاڵ و توندڕەوەى مەزهەبین کە لە لایەن ئێرانەوە پاڵپشتى دەکرێن و لە چوارچێوەى بەرنامەو ئەجیندا دارێژراوەکانى ئێران لە ناوچەکەدا کار دەکەن. ئەم دوو رەوتە کارو بەرنامەکانیان، چالاکیەکانیان، هەمیشە سەرچاوەى سەرەکین بۆ ناسەقامگیرى و پشێوى سیاسى ، ئابوورى و کۆمەڵایەتى و ئەمنى لە وڵاتەکەى خۆیاندا.
بە جۆرێک کە لە ئەوپەرى سەقامگیریشدا، بە هۆى بوونى کاریگەریەکانى ئێران بە سەریانەوە، بۆیە هەر کاتێک کە ئێران ویستوویەتى ئەم دوو رەوتە، بە کردەوە جۆراوجۆرەکانیان لە دەرەوەى یاسا، وڵاتەکەى خۆیان بەرو کەنارى نائارامى و خوێن رشتن و هەڵدێر بردووە.
ئەوپشێوى و نائارامییە کە حوسیە چەکدارەکانى یەمەن، لە شارى سەنعاى پایتەختى یەمەن هێناویانەتە ئاراوەو دەستیان بە شێوەى نایاسایى و بە زەبرى هێزو چەک بە سەر دام و دەزگا رەسمى و شەرعیەکانى ئەو وڵاتەدا گرتووە. هاوکات ئاراستە کردنى موشەکەکانى حیزبوڵڵا روو بە ئێسرائیل دواى کوژرانى فەرماندەیەکى باڵاى سوپاى پاسدارانى کۆمارى ئیسلامى ئێران، لە سنوورەکانى سوریا بە هۆى بۆردوومانى فرۆکەکانى ئیسرائیلەوە هات. ئەمە ئەوە دەسەلمێنێ کە ئەم دوو رەوتە وەک دوو شانەى نوستووى کۆمارى ئیسلامى چەند رۆڵى کارەساتباریان هەیە لە تێکدانى سەقامگیرى وڵاتەکانیان و ناوچەکەدا.
ئێران بەم کردەوانەى کەوتۆتە شەڕو ملمڵانێ لە گەڵ هەموان و بە تایبەتی لە گەڵ وڵاتانى ناوچەکە و بە بەرنامە ئەتۆمیەکەیشی کەوتۆتە ململانێ و شەڕ لە گەڵ کۆمەڵگاى نێَودەوڵەتى. رژیمی ئیسلامی ئێران هەر لە سەرەتای هاتنە سەرکاری بوو بە بناغەدانەری بیری بناژۆخوازی و ئەنجامدانی کردەوەی تووندوتیژی و خولقاندنی جینایەت، لە هیچ هەوڵێک بۆ پەرەپێدانی ئەم شێوازە بیرکردنەوەیە لە ناوچەکە و جیهان کۆتا نەهاتووە. بۆیە دەتوانین بڵیین یەکێکە لە گەورەترین وڵاتانى بەرهەمهێنەرى تیرۆر و پاڵپشتی زۆرى رەوتە رایکاڵ و تیرۆریستەکان دەکا لە رووی سیاسیی و ئابووریەوە، ئەمەش هەموو لە سەر حیسابى خەڵکى ئێران کە تووشى گەورەترین کارەسات و ماڵوێرانى بوونەتەوە .
بوارى ناوخۆیى ئێران لە سایەى ئەم دەسەڵاتەدا خراپترین رۆژەکانى خۆى تێپەر دەکا، قەیران و داڕوخانى ئابوورى و هاتنە خوارەوەى ئەرزشی پوڵى ئێران ، بێکاری، دابەزینی ئاستى بژێوى رۆژانە، هەژارى و برسێتى بەرۆکى خەڵکى ئێرانى گرتووەو و ئەمە لە کاتێکدایە کە دەسەڵاتدارانى ئێران هیچ گرنگیەکى ئەوتۆ بەم کارەساتانە نادەن کە رووی لە کۆمەڵگا ئێران کردوەوەو لە بیرکردنەوەو ئەجینداى ئەواندا جێگایەکى نیە. ئەوەى جێگاى هەیەو گرنگە، یارمەتى دانى هەندێک لە رەوتە رادیکاڵ و توندڕەوەکانە،تا وڵاتەکانیان بۆ ئێران بکەن بە مەیدانێک بۆ رمبازێنى ستراتیژیەکەى.
ئەم دوو رووداووە ئەوە نیشان دەدا، ئەم ستراتیژیە مەزهەبیە شیعەیەى کە ئێران کارى بۆ دەکات لە ناوچەکەدا، لە رێگاى ئەم رەوتە پابەندانەوە، یان ئەم دەستێوەردانە نێگەتیڤانەى ئێران لەم دوو وڵاتەو وڵاتانى ترى ناوچەکە دەیکات و درێژەى پێدەدات، سەرچاوەى سەرەکیە بۆ بەرهەمهێنانى تیرۆرو ناسەقامگیرى، سەرچاوەى سەرەکى داڕوخانى ئابوورى ئێران خۆى لە لایەک و ئەو وڵاتانەیە لە لایەکى تر، بۆیە لە راستیدا ئەرکى خەڵکی ئێران و کۆمەڵگای نێودەوڵەتیە چیتر لە ئاست تیرۆرو دەستێوەردانەکان هەموانە کە بەرامبەر بەم کردەوانە بوەستنەوە.
31.01.2015
 
وێنه‌ی په‌یوه‌ندیدار
  • ڕۆڵى ئێران لە ڕووداوەکانى یەمەن و لوبناندا
هه‌ڵسه‌نگاندن

تا ئێستا بۆچونێک نه‌نوسراوه‌!
بۆچونێک بنوسه‌:

ناو (پیویسته‌)

ئیمه‌یڵ (پیویسته‌)

ماڵپه‌ڕ / وێبلاگ

سه‌ره‌تا | هه‌واڵه‌کان | به‌رنامه‌کان | دەربارەی ئێمە | پەیوەندی | فارسی

© هه‌موو مافێکی ئه‌م ماڵپه‌ڕه‌ پارێزراوه‌ (ڕۆژهه‌ڵات تی ڤی rojhelat.tv)

www.rojhelat.tvwww.rojhelat.tvwww.rojhelat.tv